清朝龙溪（福建）林氏与严氏血战

林龙井

乾隆三十六年其時陣，翰苑（現在其後阪）共石倉兩個所在發生了一起傷亡人數真濟其血戰。事誌發生其原因真簡單，著是據嚴秉正講其“放縱牛羊雞鴨賤踏農田菜地”即個事誌引起其，拄開始其小糾紛，但是當時社頭宗族觀念真強，沖突其雙方是林氏共嚴氏，攏是當時東門外儂數比較濟其姓。林氏是儂佇漳州府東鄉，包括現在土白、石倉、東嶼、步文攏總十三社半其儂。嚴氏主要是佇現在後阪、碧湖，佫加上嚴氏與朱氏、莊氏是宗親，共田豐蘇氏、市尾遊氏是會姓，隨著林嚴兩方攏呣讓步，事誌演變甲愈來愈大條。
當時其情況是嚴氏人口比林氏少真濟，若是真正用刀劍來相拍，儂少其一方當然是輸。呣佫當時翰苑（後阪）共碧湖嚴氏內底有一房叫做“龍巖嚴”的房頭有真濟其儂佇南洋哩謀生，定定寄鐳倒轉來，龍巖嚴帶漳州府東鄉一帶是出名其有鐳儂，因佇外口趁食其儂聽講共林氏發生了沖突，著帶南洋購買了槍支運轉來漳州。帶龍巖房出鐳佫出槍其情況下，林氏雖然講儂濟亦無可能是槍其對手，死傷無數，最後以慘敗收場。
發生了血案以後，龍溪知縣出面掠兇手解決了即下宗族血鬥。為了與林嚴兩姓以後和平共處，龍溪縣立碑警告翰苑嚴氏，即個石碑祀佇龍巖房祖厝邊，但是經過幾百年了後，石碑去奉（扌+帶）去做豬牢仔其圍墻，後來甲去與儂看著，即陣重新甲伊倚起。


转载自“兰水畔”博文http://josephan.ycool.com/post.2841901.html


注：本人转载已经作者本人同意，若要再转载请与其联系